Teacher Recruitment now through Zilla Parishad level

पवित्र पोर्टल ‘ती’ भरती करणार नाही

Teacher Recruitment 2021 : The recruitment process is being implemented through the Pavitra Portal on the vacant posts of teachers in the state. The recruitment of teachers in the first phase has been completed and the process of recruiting the second phase is in progress. According to the decision of the Department of General Administration, it is clear that the Zilla Parishad should recruit at their level if it is necessary to recruit the subject teachers. This recruitment will not take place through the Pavitra Portal.

Teacher Recruitment 2021 – ZP Bharti

शिक्षक भरतीतून अनुसूचित जमातीतील घटकांची (एसटी) भरती वगळण्याचा निर्णय घेण्यात आला असून, संबंधित प्रवर्गाची शिक्षक भरती आता जिल्हा परिषद स्तरावरच होणार आहे. या संदर्भातील शुद्धीपत्रकाद्वारे निश्चित करण्यात आलेल्या अर्हतेनुसारच ही भरती होणार असल्याचे सरकारतर्फे स्पष्ट करण्यात आले आहे.

राज्यातील शिक्षकांच्या रिक्त जागांवर पवित्र पोर्टलच्या माध्यमातून भरती प्रक्रिया राबविण्यात येत आहे. यातील पहिल्या टप्प्यातील शिक्षक भरती पूर्ण झाली असून, दुसऱ्या टप्प्यातील शिक्षक भरतीची प्रक्रिया सुरू आहे. सामान्य प्रशासन विभागाच्या निर्णयानुसार विषयांकित शिक्षकांची पदभरती करणे आवश्यक ठरल्यास जिल्हा परिषदेने त्यांच्या स्तरावर पदभरती करावी, असे स्पष्ट करण्यात आले आहे. ही भरती पवित्र पोर्टलमार्फत होणार नाही.

पदभरतीची प्रक्रिया ग्रामविकास विभागाने २४ डिसेंबरला जाहीर केलेल्या सरकार निर्णयाद्वारे स्थापन केलेल्या समितीमार्फत करण्यात येईल. पदभरती करताना शालेय शिक्षण आणि क्रीडा विभागाच्या निर्णयाद्वारे; तसेच शुद्धिपत्रकाद्वारे निश्‍चित केलेल्या अर्हतेनुसारच होईल. ही पदभरती करताना शिक्षकांची अभियोग्यता आणि बुद्धिमापन चाचणीमधील गुणांचा विचार करण्यात यावा, असे आदेश राज्याचे उपसचिव प्रि. शं. कांबळे यांनी जिल्हा परिषदेचे जिल्हाधिकारी आणि मुख्य कार्यकारी अधिकाऱ्यांना दिले आहेत. त्यानुसार अनुसूचित जमातींच्या उमेदवारांची पदभरती करण्यासाठी ऑफलाइन परीक्षा घेण्यात येणार आहे. जिल्हाधिकाऱ्यांच्या अध्यक्षतेखाली मुख्य कार्यकारी अधिकारी, जिल्हा अदिवासी विकास अधिकारी, जिल्हा समाजकल्याण अधिकारी, जिल्हा कौशल्य विकास, रोजगार आणि उद्योजकता मार्गदर्शन अधिकारी, जिल्हा सैनिक कल्याण अधिकारी या सदस्यांची समिती तयार करण्यात आली असून, समितीला पदभरतीचे अधिकार देण्यात आले आहेत.

‘भरती लवकर पूर्ण करा’

राज्यात शिक्षक भरतीची प्रक्रिया अतिशय कूर्मगतीने सुरू असल्याने अनेक पात्र उमेदवार नियुक्तीच्या प्रतीक्षेत आहे. बृहन्मुंबई महापालिकेच्या शाळांमधील शिक्षकसेवक पदासाठीची निवड यादी अद्याप जाहीर करण्यात आली नाही. त्यामुळे ही निवड यादी तातडीने जाहीर करण्याची मागणी उमेदवारांकडून करण्यात येत आहे. त्याचप्रमाणे स्थानिक स्वराज्य संस्थांच्या अनेक शाळांमध्ये शिक्षकांची पदे रिक्त असल्याने, विद्यार्थ्यांना अध्यापनासाठी पुरेशा प्रमाणात शिक्षक उपलब्ध नाहीत. त्यामुळे शिक्षक भरतीची प्रक्रिया तातडीने पूर्ण करण्याची मागणी डीएड बीएड पात्रताधारक स्टुडन्ट्स असोसिएशनकडून करण्यात आली आहे.

म. टा.