‘फार्मसी’च् अभ्यासक्रम अद्याप सुरू न झाल्याने ५३ हजार विद्यार्थ्यांचे भवितव्य टांगणीला – Pharmacy Admission

Pharmacy Admission 2024-2025 – The admission process for the pharmacy stream has been delayed. The process was halted after two rounds. In these rounds, 60 per cent of the seats were filled. The course for these students did not begin. As a result, the academic future of 53,800 students is hanging in the balance. Moreover, the existence of 1,381 pharmacy colleges across the state is also under threat. The Pharmacy Council of India (PCI) allowed new pharmacy colleges. Moreover, the admission capacity of some colleges was increased. But the government has not taken a decision in this regard as the model code of conduct for assembly elections has been put in place. Till then, two rounds of admission to existing colleges had been completed. These include D.Pharm., B. Farm. and M. 60% of the farm seats were filled. The admission process was then put on hold.

‘फार्मसी’च् अभ्यासक्रम अद्याप सुरू न झाल्याने ५३ हजार विद्यार्थ्यांचे भवितव्य टांगणीला

औषध निर्माणशास्त्र शाखेची प्रवेश प्रक्रिया लांबणीवर पडली आहे. दोन फेऱ्या झाल्यानंतर ही प्रक्रिया थांबविण्यात आली. या फेऱ्यांमध्ये प्रवेश क्षमतेच्या ६० टक्के जागा भरण्यात आल्या. या विद्यार्थ्यांचा अभ्यासक्रम सुरू झाला नाही. परिणामी ५३ हजार ८०० विद्यार्थ्यांचे शैक्षणिक भवितव्य टांगणीला लागले आहे. शिवाय, राज्यभरातील १३८१ फार्मसी महाविद्यालयाच्या अस्तित्वालाही धोका निर्माण झाला आहे. फार्मसी कौन्सिल ऑफ इंडियाने (पीसीआय) नवीन फार्मसी महाविद्यालयांना परवानगी दिली. शिवाय, काही महाविद्यालयांची प्रवेश क्षमता वाढविली. परंतु विधानसभा निवडणुकीची आचारसंहिता लागल्याने या संदर्भातील शासन निर्णय झालेला नाही. त्यापूर्वी पर्यंत सध्या अस्तित्वात असलेल्या महाविद्यालयांचे प्रवेशाचे दोन राऊंड पूर्ण झाले होते. यामध्ये डी.फार्म., बी. फार्म. आणि एम. फार्म.च्या ६० टक्के जागा भरण्यात आल्या. यानंतर प्रवेश प्रक्रिया थांबविण्यात आली.

प्रवेश क्षमता

• अभ्यासक्रम महाविद्यालय क्षमता
• डी.फार्म. ६७१ ४०,२७०
• बी. फार्म. ५०५ ४०,५७०
• एम. फार्म. २०५ ७.३३७

फार्मसीच्या प्रवेश प्रक्रियेचा निर्णय शासनाने तातडीने घेतला पाहिजे. जेणेकरून विद्यार्थ्यांचे शैक्षणिक नुकसान होणार नाही. शिवाय, महाविद्यालयांनाही आर्थिक प्रश्न भेडसावणार नाही. – डॉ. ए. व्ही. चांदेवार, प्राचार्य, फार्मसी महाविद्यालय

रखडलेली प्रवेश प्रक्रिया

• प्रथम वर्षाचे पहिली सत्र परीक्षा १ डिसेंबरमध्ये घेतली जाते. यासाठी अवघे काही दिवस शिल्लक आहेत. आणखी प्रवेश प्रक्रियाही सुरु झालेली नाही. त्यामुळे डिसेंबरमध्ये परीक्षा घेणे अशक्य आहे.
• एका सत्रासाठी किमान ९० दिवसांचा अभ्यासाचा कालावधी आहे. आता सरकार स्थापनेनंतर शासन निर्णय होऊन प्रवेश प्रक्रिया सुरु झाल्यास मार्च महिन्यात पहिले सेमिस्टर होऊ शकते.

स्कॉलरशिपलाही उशीर

• महाराष्ट्रातील औषध निर्माणशास्त्र शाखेची सर्व महाविद्यालये विनाअनुदानित आहे. विद्यार्थ्यांच्या प्रवेशाला विलंब झाल्याने त्यांची स्कॉलरशिप ही उशिरा सुरु होईल.
• तोपर्यंत महाविद्यालयात कार्यरत कर्मचाऱ्यांचे वेतन, दैनंदिन व्यवहार करताना महाविद्यालयांना आर्थिक अडचणींना सामोरे जावे लागणार आहे. केवळ शासनाचा खेळखंडोबा सुरु असल्याने ही गंभीर परिस्थिती निर्माण झाली आहे.